有几样前提先提下：
1）中国甘大，风俗，文化差异事实存在， 对于广东（或其他地区都一样）嘅某D风俗如果采取唔接受嘅态度，我可以接受，但系如果抨击，嘲笑，我就觉得系小肚鸡肠或者自大排外了。
2）人无完人，度度都有好人坏人
3）如果要讨论，最好做好调查，讲嘅嘢至少符合事实。唔系就畀人笑啦。
4）我水平有限，只系讲D我知道嘅嘢，唔敢话自己系度系评价广东人。
OK, 正文如下：
一）先上堂历史课（本人喜睇历史书，呢样比0个篇文章作者应该系强小小）。
古代广东系百越族嘅聚居地, 一直到秦统一中国后, 派兵南征, 打败越人(粤人)之后, 秦系公元前214年后迁移左50万人到岭南. 南迁嘅汉人势力基本集中在西江中部(珠江的西部主干河),中原嘅汉语（叫做“雅言”）也就首先传播与西江中部(广东西部,广西东部)在这里形成粤语嘅雏形. 3国时东吴势力进入岭南, 他们选择了原来汉人势力较弱嘅广州(当时叫番禺)作为交州州治, 从此番禺成为岭南嘅首府. 汉人势力就向东发展了.
此后中原晋王朝发生八王之乱,继而又”五胡乱华”, 导致中原人大规模南迁. 汉族文化同语言从西江中游进一步向东传播, 粤语成为西江流域到珠江三角洲嘅同行语言。
而中原地区从”五胡乱华”起, 受到北方游牧民族统治了270几年, 汉语内部发生了很大变化, 相比之下, 岭南汉人使用嘅粤语倒是较多保留了魏晋年间中原汉语嘅面貌.唐代诗人 张籍的<元嘉行>中写到: “南人至今能晋语”甘睇0黎, 可能粤语同中原汉语嘅距离拉开, 主要系因为中原汉语本身变化（受野蛮民族统治所致）所致, 而粤语受古百越语嘅影响反而系次要嘅.
唐宋战乱，汉人继续有南迁嘅， 但系受到岭南当地汉人排挤，唔可以融入，他们就系而家嘅客家人（所以多住系山区，因为土地肥沃嘅地方畀早期汉移民占晒了）。大家知道，宋时，汉人统治嘅地方比较细，而南宋更系只能统治南方，北方畀辽，金，蒙古陆续统治，之所以北方语言差别唔大，而南方方言种类繁多，系同汉人唔同时期都有南迁，而北方汉人语言一直受入侵外族影响有关。例如北京人讲话喜带“儿”音，其实系古汉语中无嘅，但系却系满族语言习惯，北京系清朝系满族政府嘅首都，北京人讲嘢受满族影响所致。
甘样大家应该理解点解好多古诗词用国语读唔够押韵，而用广东话读就反而押韵且更加好听，因为粤语保留左更多古汉语成分（词组，发音等）。
以前香港剧集《寻秦记》入边系讲广东话，查实真系返古代嘅话，广东人可能仲可以同古代人交流，北方人估计就只能鸡同鸭讲喇。
讲呢D 唔系贬低北方人，嘲笑他们祖先受外蛮族统治遭窒以至于连老祖宗语言都变晒，系想告诉北方人，他们血脉同北方游牧民族结合得多，我们同东南亚少数民族结合得多，身形有差异都唔使嘲笑我0地（大家系同根嘅）。
关于广府人，唔系指所有广东嘅汉人，只系指讲粤语嘅，文化属于广府人文化嘅广东人（主要系珠江三角洲呢带），广东汉人实际包括：广府人，潮州人，客家人。不过广府人呢种叫法近代已经好少用了。
2）风气习俗，文化问题。
广东人嘅文化主要仲系汉族文化，由于地域关系，唔同北方嘅系好多，相对北方纯农耕文化0黎讲，广东文化更偏向海洋文化。首先，从汉开始广东就系中国对外贸易的中心同基地（有几百年，好似系唐朝畀福建泉州超过，不过个时都排第二），其次相对于保守嘅农耕文化，广东人更加开放，更能接受新鲜事物，改革开放广东成绩最好，唔系话完全因为近港澳，靠中央政策，查实都有文化嘅深层原因。讲返转头，个篇文章作者都指出广东有好多文化，茶文化，煲汤文化等，但系又话我0地唔接受国粹，所谓唔接受国粹，只系大家文化有唔同，无谓将北方嘅某D 文化定义为国粹，而广东文化就话系垃圾，甘样未免太“自大”，“排外”啦（话广东人排外，到底边个更排外呢）
从广东话我地可以发现，其实广东人好活泼，我记得我大学0个时开始揸部本田125，大家都叫它“花猫”，我师傅部铃木，大家都叫它“刀仔”，舅父部摩托车（唔记得乜型号了）又叫“黑鲨”，既有趣，又易记。 关于“捞松”都系甘0黎， 以前来广州嘅北方人喜以“老兄”称呼人，开口埋口就“老兄”，广东人渐渐以“老兄”指代呢D 南下嘅北方人，但系发音又唔准，就变成我0地而家讲嘅“捞松”了。其实而家北方人认为“捞松”系对他们嘅贬称，系唔系冇道理呢？与其话广东人排外，不如系讲大家沟通唔够啦。
三）关于国家大事。广东人重视实际，不喜空谈，但系国家有难，广东人就唔理咩？甘洪秀全系唔系广东人，康有为呢？孙中山呢？唔系唔关心国事，系如果只系空谈，不如唔出声，要做就做D实际嘢。度度都有仁人志士，广东同中国其他地方系一样嘅，不过更实际而已。
四）关于经济方面。中国最近要控制CO2排放，但系中国嘅排放量远不如美国，人均排放量就相差更远了，点解？仲唔系大家经济实力，条件唔一样咩？所谓广东嘅糟蹋别人东西：一次性筷子，饭盒使用多，恐怕也是因为经济条件嘅关系。讲我地广东人性喜糟蹋。。。我就有小小唔愤喇。
造假都系，广东系唔少，但系震惊全国嘅3鹿又系边度嘎？呢个系全国性问题，唔好将屎盆往我们广东人头上扣呱？
包二奶也同经济有关。广东嘅二奶好多系香港，台湾人包嘅。而且包嘅大部分系外地人，净话广东人唔公平。而且，随着内地经济发展，包二奶现象一D都唔少。我有个同事系重庆人（郊县），他回家参加同学聚会，同学们带出来嘅家眷竟然都唔系老婆，系二奶！我就真系觉得耸人听闻喇。而且我听讲广东男人还是相对其他地方人更顾家嘅（广东MM就更加系最顾家嘅啦）。呢个同造假一样，系全国现象，只系广东经济先发展起身，呢D丑恶现象系广东先发现而已。仲有一个可能，广东人比较注重民生，舆论都系，好多丑闻内地媒体唔敢讲，广东媒体却相对够胆仗义直言，呢样，我估去过外地嘅广东人或者去过广东生活嘅外地人应该都有同感。
广东人系有唔好嘅地方，但系该作者将好多全国性问题讲到好似只系广东人应该改进就未免太过好笑了。
六）最后讲D自己想讲嘅。有个朋友同我讲，将简体字叫简体字系应该嘅，而繁体字更应该称为“正体字”事实上，文字为文化之载体，简体字简得实在令衷情中国文化嘅华人不爽。我系有些少赞成他嘅讲法，好多传承多年嘅传统文化系会因为语言文字变化而没落。讲到文化没落，广东系重灾区，我承认。不过唔系因为唔接受“国粹”，系因为我们从小接受北方嘅国语文化教育，好多广东话嘅传统讲法我地都已经抛弃（反而系“国粹”接受太多了。。。），而家除左香港，广东人讲嘅广东话已经开始“普通话化”，就系直接将普通话翻译成广东发音来讲，而唔系按传统嘅广东话讲法来讲。
我都唔想讨论甘样系进步定系退步（包括汉字剧烈的简体化，同广东话普通话化），但系睇到我0地同我0地后代将我0地传承多年嘅文化、语言逐渐遗忘，多少有D伤感。
广东文化中心一路都系珠江三角洲，广州，而家已经转移到西化相对严重嘅香港了（广东人中意睇香港电视都系有呢个原因）。而香港而家开始轰轰烈烈甘学习国语了，向大陆靠拢了。。。希望他们可以坚守阵地啦。
写甘长文章唔系第一次，但系发出0黎系第一次，难免稚嫩，大家将就睇下，不过记得唔好因为有人话广东无文化或广东唔好就垂头丧气，广东人系好有好有特色嘅华人，好了不起！
|本网站由上海海甘信息技术有限公司免费提供空间和技术支持|手机版|Archiver|沪ICP备09046996号-6|广东人在上海
IP卡
狗仔卡
发表于 2009-12-11 12:48:36
提升卡
置顶卡
沉默卡
喧嚣卡
变色卡
抢沙发
千斤顶
好！
发表于 2009-12-11 13:00:46
发表于 2009-12-11 13:23:03
楼主
